‘छोटा पॅकेट बडा धमाका’

 ‘छोटा पॅकेट बडा धमाका’

मुंबई: 'चला हवा येऊ द्या' या कार्यक्रमातून घराघरात पोहोचलेला विनोदवीर विनित भोंडे आता थेट 'बिग बॉस'च्या घरात पोहचला आहे. थुकरटवाडीच्या मंचावरील त्याचा उत्साह पाहून सगळेच त्याला 'छोटा पॅकेट, बडा धमाका' असं म्हणायचे. त्याचा मोठा चाहता वर्गही तयार झाला आहे. त्यामुळं हा 'छोटा पॅकेट' बिग बॉसच्या घरात काय धमाका करणार हे पाहणं उत्सुकतेचं ठरणार आहे. 

मूळचा औरंगाबादचा असलेल्या विनीत भोंडे यानं निशिकांत कामत यांच्या 'डोंबिवली फास्ट' या चित्रपटातून अभिनयाची कारकीर्द सुरू केली होती. मात्र, त्याला खरी ओळख मिळाली ती 'चला हवा येऊ द्या' या कार्यक्रमामुळं. कधी लहान मुलगा, कधी पोलीस हवालदार तर कधी बाई, अशा वेगवेगळ्या रूपांमध्ये विनीत 'चला हवा येऊ द्या'च्या सेटवर दिसायचा. 'शहाणपण देगा देवा, पुन्हा गोंधळ पुन्हा मुजरा' अशा काही चित्रपटांतही तो झळकला आहे. 

पुण्यात नर्सिंगचं शिक्षण घेणाऱ्या सोनम हिच्याशी विनीत नुकताच विवाहबद्ध झाला. औरंगाबादला कुटुंबियांच्या उपस्थितीत त्यांचा विवाहसोहळा पार पडला. लग्नाच्या ब्रेकनंतर आता तो 'बिग बॉस'च्या घरात दिसणार आहे.