सरकारनं ठेवल्या व्हॉट्सअॅपसमोर तीन अटी

 सरकारनं ठेवल्या व्हॉट्सअॅपसमोर तीन अटी

व्हॉट्सअॅपद्वारे खोट्या बातम्या व्हायरल झाल्यामुळं देशात अनेक घटना घडत असल्यानं या खोट्या बातम्यांचा स्त्रोत शोधण्यासाठी लवकरात लवकर पावलं उचलण्यात यावी यासाठी केंद्रीय माहिती आणि तंत्रज्ञान मंत्री रविशंकर प्रसाद यांनी व्हॉट्सअॅपला सूचना दिल्या आहेत. रविशंकर प्रसाद यांनी व्हॉट्सअॅपचे सीइओ क्रिस डॅनियल यांची भेट घेऊन व्हॉट्सअॅपवरून व्हायरल होणाऱ्या अफवा, पॉर्न, खोट्या बातम्या यासर्वांना आळा घालण्यासाठी तांत्रिक उपाय शोधण्याठी सांगितलं आहे. 

भारतात व्हाट्सअॅपचा वाढता वापर लक्षात घेता यावर नियंत्रण ठेवण्यासाठी भारतात व्हाट्सअॅपची स्थानिक कंपनी स्थापन करण्यात यावी असं स्पष्टपणे डॅनियल यांना सांगण्यात आलं आहे. व्हॉट्सअॅपनं भारतातील डिजिटल अर्थव्यवस्थेत म्हत्त्वाचं योगदान दिलं असलं तरी फेक न्यूज आणि अफवा रोखण्यासाठी ठोस उपाय शोधावा लागणार आहे. मुख्य म्हणजे व्हायरल झालेल्या मेसेज किंवा व्हिडिओचा स्त्रोत ओळखता यावा असं फीचर तयार करावं अशा तीन मुख्य अटी डॅनियल यांच्यासमोर ठेवण्यात आल्या आहेत.