रिझव्‍‌र्ह बँक, नाबार्ड कर्जमाफीला प्रतिकूल

रिझव्‍‌र्ह बँक, नाबार्ड कर्जमाफीला प्रतिकूल

कर्जमाफीच्या आशेने बहुसंख्य शेतकऱ्यांनी कर्ज परतफेड थांबविल्याने थकबाकीदार शेतकऱ्यांना कर्जमाफी करायची झाली, तर राज्य सरकारचे कंबरडे मोडणार असून आर्थिक बोजा ५०-६० हजार कोटी रुपयांवर जाण्याची शक्यता आहे. गेल्यावर्षी चांगला पाऊस झाल्याने आणि आणि पैसेवारी ५० पैशांहून अधिक राहिल्याने नियमांना अपवाद करुन कर्जपुनर्गठनासही रिझव्‍‌र्ह बँक व नाबार्ड अनुकूल नसल्याने राज्य सरकारची पंचाईत झाली आहे. शेतकऱ्यांचे कर्जमाफी आंदोलन कसे मिटवायचे आणि मार्ग कसा काढायचा, हा तिढा मुख्यमंत्री देवेंद्र फडणवीस यांच्यापुढे आहे. केंद्र सरकारच्या आर्थिक मदतीशिवाय मार्ग निघणे अशक्य असल्याने पुन्हा केंद्राकडून मदत मिळविण्याचे प्रयत्न सुरु करण्यात येणार आहेत, असे सूत्रांनी सांगितले.