बॉलिवूड अभिनेत्री श्यामा यांचं निधन

बॉलिवूड अभिनेत्री श्यामा यांचं निधन

मुंबई : बॉलिवूडमधील प्रसिद्ध अभिनेत्री श्यामा यांचं आज सकाळी मुंबईत निधन झालं. श्यामा ८२ वर्षाच्या होत्या. त्यांनी १९६०मध्ये प्रदर्शित झालेल्या 'बरसात की रात' आणि 'आर पार' या दोन चित्रपटांत अभिनय केला होता.

श्यामा यांचा खरं नाव खुर्शीद अख्तर असं होतं पण दिग्दर्शक विजय भट्ट यांनी त्यांना 'श्यामा' ही नवी ओळख दिली. श्यामा यांनी ​सावन भादो , दिल दिया दर्द लिया यांसह तब्बल १७५ चित्रपटांमध्ये अभिनय केला. 'मिलन' या चित्रपटातील अभिनयासाठी त्यांना फिल्मफेयरचा सहाय्यक भूमिकेसाठी पुस्कार मिळाला होता.

श्यामा यांनी सिनेमॅटोग्राफर फली मिस्‍त्री यांच्यासोबत १९५३ मध्ये लग्न केलं.१९७९ मध्ये मिस्‍त्री यांचं देखील निधन झालं. त्यांच्या पश्चात दोन मुलं आणि एक मुलगी असून त्यांच्या निधनाचं कारण अद्यापही समजू शकलं नाही.