मुंबई विद्यापीठ ‘नापास’

मुंबई विद्यापीठ ‘नापास’

देशभरातील उच्च शिक्षणाचे धडे देणाऱ्या संस्थांचा दर्जा सुधारावा यासाठी केंद्रीय मनुष्यबळ विकास मंत्रालयातर्फे मंगळवारी नॅशनल इन्स्टिट्यूट रँकिंग फ्रेमवर्क(एनआयआरएफ) ही देशपातळीवरील क्रमवारी जाहीर करण्यात आली आहे. तिसऱ्यांदा जाहीर करण्यात आलेल्या या यादीत पहिल्या १५० विद्यापीठांमध्ये यंदादेखील मुंबई विद्यापीठाला स्थान मिळवता आलेले नाही. सलग तिसऱ्यांदा मुंबई विद्यापीठाला हे अपयश आलेले आहे. 

मुंबई विद्यापीठ या यादीत नापास ठरले असले तरी मुंबईच्या इतर संस्थांनी मात्र चांगली कामगिरी करत मुंबईची मान उंचावली आहे. यात आयआयटी मुंबईने तिसऱ्या क्रमांकावर आपला झेंडा रोवला असून त्यापाठोपाठ माटुंगा येथील आयसीटीने ३० व्या क्रमाकांवर झेप घेतली आहे. एकत्रित क्रमवारीत पहिल्या शंभर कॉलेजांच्या यादीत राज्यातील एकूण ११ संस्थांचा समावेश असून यात मुंबईतील पाच संस्था आहेत.